الواحد بجد مش عارف يعمل ايه فى الكليه دى
ايه ده !
يا نهار ابيض دى الامتحانات السنه دى كانت اكتر من المحاضرات
اه والله , انا كل اللى فكره ان انا درست بتاع شهر كده, بس وتقريبا كمان كان فى رمضان يعنى كنت انا وزمايلى بنروح اول محاضره ننام فيها , واحيانا كتير كمان الدكتور بيكون معزوم على السحور تقريبا بره ولا ايه فا مش بيجى
وبعد ما خلص الشهر ده لقيت جدول الامتحانات بتاع اعمال السنه نزل , فى كام ماده بقى !
فى حوالى 11 ماده يا نهار اسود
والله بجد حرام
قلت انا وزمايلى مش مشكله اهو الواحد يتعب نفسه شويه بعد كده ان شاء الله هنتخرج ونبقى مهندسين زى الفل , ونعيش حياتنا بقى ونخرج ونفرح ونتفسح ونعمل زى ما الناس بتعمل
بعد كام يوم كده لقينا تنويه مهم جدا بخصوص زياره علميه لواحد من اكبر مصانع النسيج فى مصر , قلنا نروح الزياره دى واكيد طبعا هنستفيد جدا , واهو بالمره نسأل المهندسين اللى هناك ايه اخبار الشغل معاهم , مبسوطين وكده يعنى ولا لا , وهل الحياه اللى عايشينها كمهندسين فى مصانع كبيره , ومش وراهم اى حاجه تشغلهم زى ايام الكليه والامتحانات اللى كل يوم والحاجات الغريبه دى ولا ايه بالظبط؟
كان رد المهندسين : الورديه يا بشمهندس طارق فى المصنع اما 8 ساعات او 12 ساعه وما فيش اقل من كده ابدا
وغالبا معظم المصانع خلاص بقت الورديه بتاعتها 12 ساعه , وخد عندك بقى صوت الماكينات , والصداع والدوشه , والتراب والزغبار
يعنى هتعيش الصراحه بعد ما تخلص حياه بجد فى منتهى السعاده
اول ما سمعت كده انا وزمايلى عمرو وكريم اصدقائى اللى بحبهم جدا جدا
عمرو ده بجد عسل وعلى فكر هو من بنها وانا بقيت احب بنها واهل بنها وجامعة بنها كلها من ساعة لما عرفته.
وكريم صديقى الصدوق , شاب جدع جدا وصاحب صاحبه بجد
اه صحيح وكريم من مدينة نصر علشان انا عارف لو ما قلتش كده كان هيقولى انت ما قلتش ليه ان انا من مدينة نصر
اول ما سمعنا اللى سمعناه فى المصنع ده هربنا من المصنع وعملنا زى ما هو باين فى الصوره كده بالظبط ( انا على اليمين بعد كده عمرو بعد كده كريم )
ارحمونا بقى بجد
نداء الى رئيس القسم وعميد الكليه ورئيس الجامعه ووزير التعليم العالى
ارحمونا بجد شويه مش هنتقرف فى سنين الجامعه وكمان بعد ما نخلص
امال الواحد هيستريح امتى بس يا ربى لما نموت!
ايه ده !
يا نهار ابيض دى الامتحانات السنه دى كانت اكتر من المحاضرات
اه والله , انا كل اللى فكره ان انا درست بتاع شهر كده, بس وتقريبا كمان كان فى رمضان يعنى كنت انا وزمايلى بنروح اول محاضره ننام فيها , واحيانا كتير كمان الدكتور بيكون معزوم على السحور تقريبا بره ولا ايه فا مش بيجى
وبعد ما خلص الشهر ده لقيت جدول الامتحانات بتاع اعمال السنه نزل , فى كام ماده بقى !
فى حوالى 11 ماده يا نهار اسود
والله بجد حرام
قلت انا وزمايلى مش مشكله اهو الواحد يتعب نفسه شويه بعد كده ان شاء الله هنتخرج ونبقى مهندسين زى الفل , ونعيش حياتنا بقى ونخرج ونفرح ونتفسح ونعمل زى ما الناس بتعمل
بعد كام يوم كده لقينا تنويه مهم جدا بخصوص زياره علميه لواحد من اكبر مصانع النسيج فى مصر , قلنا نروح الزياره دى واكيد طبعا هنستفيد جدا , واهو بالمره نسأل المهندسين اللى هناك ايه اخبار الشغل معاهم , مبسوطين وكده يعنى ولا لا , وهل الحياه اللى عايشينها كمهندسين فى مصانع كبيره , ومش وراهم اى حاجه تشغلهم زى ايام الكليه والامتحانات اللى كل يوم والحاجات الغريبه دى ولا ايه بالظبط؟
كان رد المهندسين : الورديه يا بشمهندس طارق فى المصنع اما 8 ساعات او 12 ساعه وما فيش اقل من كده ابدا
وغالبا معظم المصانع خلاص بقت الورديه بتاعتها 12 ساعه , وخد عندك بقى صوت الماكينات , والصداع والدوشه , والتراب والزغبار
يعنى هتعيش الصراحه بعد ما تخلص حياه بجد فى منتهى السعاده
اول ما سمعت كده انا وزمايلى عمرو وكريم اصدقائى اللى بحبهم جدا جدا
عمرو ده بجد عسل وعلى فكر هو من بنها وانا بقيت احب بنها واهل بنها وجامعة بنها كلها من ساعة لما عرفته.
وكريم صديقى الصدوق , شاب جدع جدا وصاحب صاحبه بجد
اه صحيح وكريم من مدينة نصر علشان انا عارف لو ما قلتش كده كان هيقولى انت ما قلتش ليه ان انا من مدينة نصر
اول ما سمعنا اللى سمعناه فى المصنع ده هربنا من المصنع وعملنا زى ما هو باين فى الصوره كده بالظبط ( انا على اليمين بعد كده عمرو بعد كده كريم )
ارحمونا بقى بجد
نداء الى رئيس القسم وعميد الكليه ورئيس الجامعه ووزير التعليم العالى
ارحمونا بجد شويه مش هنتقرف فى سنين الجامعه وكمان بعد ما نخلص
امال الواحد هيستريح امتى بس يا ربى لما نموت!
24 comments:
:D ... ده الشئ اللى كان مرسوم على وشى و انا باقرا البوست ده .. شكلك كده اكتشفت الحقيةة متأخر .. و هى دايما الحقيقة لما تتعرف متأخر بتصدم جامد.. بس هأقولك إيه .. مش انت اللى دخلت الكلية ؟! .. اشرب بقى ... خلى بالك انا باشرب معاك لإن الهم واحد ): ... شكل مدونتك كده جميلة مستنية بس لما أخلص الامتحانات و افضى لها
اولا:كلمة زمايلي بتتكتب زي ما اتكتبت مش زمايالي
ثانيا:عيب يابيه لماتنسى اللي صورك
ثالثا: اذا كنت انت بتحب كريم وعمرو فأنابجد بحبكم كلكم لأنكم بجد اخواتي
رابعا:دي ياروكه الحياه الصعبه مش الكليه اللي بجد هنفتقدها بس الاكيد ان احنا مش هنفتقد بعض ابد"ولا ليه؟
على فكره انا علي اخو طارق بسمش من الام والاب ولكن بكل احساس الخ لاخوه
خامسا:رساله لكل اصحابنا انا بجد بحبكم جددددددددددا ويارب نفضل اصحاب على طووووووووووووووووووول
علي عبدالله
zazo101@hotmail.com
انت كنت نايم ولا ايه ولا كنت فاكر الحياه حلوه بس نفهمها
لالالالا تبقى غلطان ...زمن الشغل 4 ساعات ومرتب 2000 جنيه ده مش موجود وهيء نفسك بقى على التعايش مع الحقيقه المره وعلشان تستريح فيه حل بسييييط ورخيييييييص
سم فران من عند اى بقال وانت تبقى تمااام
ومدونتك جميله جدا وواقعيه ومتشكره جدا على زيارتك مدونتى واتمنى نكون اصدقاء
وبالمناسبه انا ....الكلالم نوعان كلام فارغ وكلام مليان كلام فارغ) بس عندي مشكله في اللوج ان
انا ميرام في ثانوية عامه
كان نفسي ادخل هندسة بس بجد هفكر تاني بعد الللي انت كاتبه ده
على فكرة انت امور اوي
وقصة روان ويوسف دي قطعت قلبي
وشكرا
مالك يا باش مهندس .... معلش معلشي
بقي انا كل ما اقول خلاص هانت والسنه اللي جاية هتروق وتحلي الاقي حد يقولي لا دا السنه اللي جاية لا هتروق ولا هتحلي
بقولك ايه
تيجي نحط همك علي همي .. ونعمل مستودع الهموم الالي .. او الالكتروني .. باعتبار انه هيبقي هم هندسي ياعني
ههههههههههههه
تحياتي ليك يا باش مهندس
ربنا معاك
و ربنا يطلعك من كلية الهندسة باقل الخساير قادر يا كريم
انا لسة متخرج السنة دي و اهو دينا بنتعالج
ربنا
معاك
و مستنيك في حفلتي ان شاء الله
و هاستناك تجيني و تقوللي انا بتاع هندسة
و ماتنساش تسلملي على عمرو و كريم جدا
ياحرااااام
يابنى دى نهايه كل من تسول له نفسه ويدخل كليه عمليه
دانتوا بالنسبالنا بتاكلوا ف أته محلوله ياعم
اللهم لاعتراض
اللهم لا حسد
هييييييييه ..نهايته
عمرك شفت حد يمتحن قبل العيد وبعد العيد يكمل امتحانات
لحد اجازة نص السنه وبعد الأجازه يكمل امتحانات تانى؟
آدى اللى بيحصل عندنا
عادى بقى
كل سنه وانت طيب يا باشمهندس
ياحرااااام
يابنى دى نهايه كل من تسول له نفسه ويدخل كليه عمليه
دانتوا بالنسبالنا بتاكلوا ف أته محلوله ياعم
اللهم لاعتراض
اللهم لا حسد
هييييييييه ..نهايته
عمرك شفت حد يمتحن قبل العيد وبعد العيد يكمل امتحانات
لحد اجازة نص السنه وبعد الأجازه يكمل امتحانات تانى؟
آدى اللى بيحصل عندنا
عادى بقى
كل سنه وانت طيب يا باشمهندس
انا كليتى اصعب من كليتك يا طارق
وانت اكيد عارف
و كمان الدفعات القديمة حالاتى
كانوا بيتبهدلوا
بس و الله والله والله
ولا يوم من ايامها
وبكره تقول كده
وانا اه وانتم كلكم اهه
بيقولوا سايكوا
مرسى جدا جدا جدا على تعليقك الجميل ده وربنا معاكى يا رب فى الامتحانات
وانتى فى كلية ايه ؟
يمكن اقدر اساعدك , ده على اساس ان انا فاضى يعنى
ههههههههههه
شكرا
روكى
الكلام نوعان
دا انا ليا الشرف لو بقينا اصدقاء , وعلى فكره مدونتك جميله جدا , واسوبك رائع
شكرا
روكى
ميرام
لا يا ميرام ليه بس كده شدى حيلك انتى بس فى الثانويه العامه وربنا يسهل بعد كده
هى كلية الهندسه اه صعبه والواحد بيطلع عينه فيها ,لكن فى الاخر بيبقى حاجه كويسه فى المجتمع , وعلى الاقل بيكون انسان مفكر ليه قدره كبيره على الابتكار فى مجالات كتير جدا , وده طبعا بفضل ربنا سبحانه وتعالى
فالحمد لله هى الدنيا كده يا اختى العزيزه زى ما بتاخد زى ما بتدى
ربنا معاكى
ومرسى على المجامله
روكى
ادم المصرى
مرسى اوى يا أدم على التعليق الجميل ده
مش عارف ليه حاسس ان انتى شخصيه لذيذه جدا وان شاء الله هنكون اصدقاء
وعلى فكره اسمك جميل جدا جدا
ربنا يوفقك يا رب , ويا ريت نتقابل ونحط همنا على بعض
ههههههههههه
شكرا
روكى
على الألفى
موضوع حفلتك ده حاجه ان شاء الله مفروغ منها
يعنى ان شاء الله هاجى واجيب معايا الدفعه كلها وهنشرفك يا فنان
ربنا معاك وشكرا على الكلام الحلو ده
روكى
وينكى
على فكره انتى زى العسل بجد
بس على فكره بقى لا انتم اللى بالنسبه لينا بتاكلوا فى أته محلوله وبتشربوا حاجه ساقعه كمان
انتى كلية ايه اصلا
ههههه
روكى
شيماء
اولا يا شيماء انتى ولا كليتك اصعب من كليتى ولا حاجه
ما فيش كلام من ده هههههههههههههه
ثانيا انا نفسى بس اخلص على خير وهتشوفى لو عديت بس فى الشارع اللى فيه الكليه يبقى ليكى كلام
انا لما هصدق يا بنتى
نفسى انام بقى حرااااااااااام
روكى
على فكره يا جماعه دى أميلاتى
tarekmahmoud99@hotmail.com
eng_tarek2003@yahoo.com
اتمنى الاضافه ونكون اصدقاء بجد
و ها هوا ضحيه اخري من هذه الكليه المنيله بستين نيله و لسه ....و لسه ...ولسه
شوف يا ابني الي قبلنا قالو الي يصبر ينول و بعدين انا كنت قربت ارجع من القصه الي ما يعلم بيها الا ربنا لي هرينا بيها من اول البوستات و اول ما تكلم تكلم عن هندسه
يومهل و لا يهمل
عاوز تعرف انا ف كلية ايه؟
هممممممم
اتفضل زور المدونه بتاعتى وانت تعرف
www.astronomystar.blogspot.com
ولا أقولك
اسأل عليا الشعب الغلبان اللى بيدخلوا عندى
بقى عندهم ربع ضارب
وانا
استلفت ربعين تانيين ضربوا زى اللى قبليهم
ههههههههههههههههه
بقالى كتير لاجيت عندك ولا انت جيت عندى
مع انى كنت متعودة عندك انى اكون اول تعلق
ماعلينا
انت يعنى عايز تبقى مهندش ببلاش
وبعدين على راى عادل امام
البلد مش عايزة مهندسين
بقت عايزة صيع
اعرف مستقبلك وعلم عليه ياطارق
memo
انتى كنتى هترجعى من القصه اللى انا كاتبها
ماشى يا ستى متشكرين
دا احنا حتى زمايل, طيب حتى راعى الزماله ههههههههههه
بس على فكره لو قريتى حكاية عاشق وعديتيها على قلبك هتعجبك اوى
المشكله ان انتى وغيرك كتير بيقروا ويعدوا على عقلهم بس
شكرا روكى
الورده السودا
نورتى المدونه بتاعتى والله
هو انا لازم يعنى ادخل ازور مداونتك علشان تفتكرينى
حمد الله على السلامه
وعندك حق فعلا البلد محتاجه صيع وحراميه كمان
ههههههه
شكرا روكى
مسا الفل
الريس حسين بيمسى مش اكتر
Post a Comment