ليه الناس دى بتعمل كده؟
بقالى فتره كبيره جدا بشوف قصص حب فاشله جدا , او هو ما كانش حب من الاول ولا ايه مش عارف
هحكيلكم شوية مواقف وانتم تحكموا
- مره شوفت جوازه اتفركشت علشان خاطر الخلاط , اه والله بجد الخلاط كنت حاضر كتب كتاب واحد صاحبى مره , جيه الوقت اللى ابو العريس وابو العروسه بيكتبوا فيه القايمه , كتبوا كل حاجه وجم على الخلاط ابو العريس قال الخلاط من حاجة المطبخ يبقى المفروض على العروسه , رد ابو العروسه وقال لا الخلاط من الاجهزه الكهربيه يبقى على العريس
المهم اتخنقوا مع بعض , ده يقول على العروسه وده يقول على العروسه ,. لغاية ما قاموا مسكوا فى بعض وشتموا بعض وابو العريس قال لابو العروسه انت راجل قليل الادب وابو العروسه قالوه انت اللى راجل مش محترم
وانتهى الحاث السعيد بهذا الشكل
وخرب الفرح
بذمتكم لو كان فيه حب كان حصل كده
بقالى فتره كبيره جدا بشوف قصص حب فاشله جدا , او هو ما كانش حب من الاول ولا ايه مش عارف
هحكيلكم شوية مواقف وانتم تحكموا
- مره شوفت جوازه اتفركشت علشان خاطر الخلاط , اه والله بجد الخلاط كنت حاضر كتب كتاب واحد صاحبى مره , جيه الوقت اللى ابو العريس وابو العروسه بيكتبوا فيه القايمه , كتبوا كل حاجه وجم على الخلاط ابو العريس قال الخلاط من حاجة المطبخ يبقى المفروض على العروسه , رد ابو العروسه وقال لا الخلاط من الاجهزه الكهربيه يبقى على العريس
المهم اتخنقوا مع بعض , ده يقول على العروسه وده يقول على العروسه ,. لغاية ما قاموا مسكوا فى بعض وشتموا بعض وابو العريس قال لابو العروسه انت راجل قليل الادب وابو العروسه قالوه انت اللى راجل مش محترم
وانتهى الحاث السعيد بهذا الشكل
وخرب الفرح
بذمتكم لو كان فيه حب كان حصل كده
لو العريس والعروسه بجد كانوا بيحبوا بعض كان فرق معاهم الخلاط والمطبخ والحاجت دى
ليه الناس بتعمل كده ؟
ليه الجوازات بتخرب على ابسط الاسباب ليه؟
ليه فى ناس بتستهبل وتقول احنا سلو عليتنا ان العروسه تجيب الاجهزه الكهربيه كلها والمطبخ وتفرش نص الشقه
لا بالمره ما تجيبلوا احسا الشقه والشبكه
ليه فى اهالى بتهرج وبتحمل الشباب اكتر من طاقتها ليه؟
ليه الشباب بيوعدوا البنات بحاجات هما مش قدها؟
ليه البنات بتعمل البحر طحينه للشباب ويوعدوهم ان هما مش هيسيبهم ابدا مهما حصل ومهما كان ومع اول عريس يتقدم يقولوا باى باى هتوحشنا؟
ليه الشباب بيلفوا ويدوروا على البنات علشان يوقعهوم زى ما بيقولوا
ولما البنت تحب بجد يطلع بقى
اللى مالوش فى الجواز
واللى عنده صدمه عاطفيه ومش ينفع يكمل معاها
واللى ظروفه وحشه
واللى بيقولها انا اكتشفت ان انا بحبك زى اختى
واللى يقولها خلينا اصحاب احسا
ليه بجد ليه؟
ليه الناس بتعمل كده ؟
ليه الجوازات بتخرب على ابسط الاسباب ليه؟
ليه فى ناس بتستهبل وتقول احنا سلو عليتنا ان العروسه تجيب الاجهزه الكهربيه كلها والمطبخ وتفرش نص الشقه
لا بالمره ما تجيبلوا احسا الشقه والشبكه
ليه فى اهالى بتهرج وبتحمل الشباب اكتر من طاقتها ليه؟
ليه الشباب بيوعدوا البنات بحاجات هما مش قدها؟
ليه البنات بتعمل البحر طحينه للشباب ويوعدوهم ان هما مش هيسيبهم ابدا مهما حصل ومهما كان ومع اول عريس يتقدم يقولوا باى باى هتوحشنا؟
ليه الشباب بيلفوا ويدوروا على البنات علشان يوقعهوم زى ما بيقولوا
ولما البنت تحب بجد يطلع بقى
اللى مالوش فى الجواز
واللى عنده صدمه عاطفيه ومش ينفع يكمل معاها
واللى ظروفه وحشه
واللى بيقولها انا اكتشفت ان انا بحبك زى اختى
واللى يقولها خلينا اصحاب احسا
ليه بجد ليه؟
17 comments:
اصل يا سيدى هوه ده بقه التقل وبما انه صنعة البنات الوحيده فهما لازم يعملوا كده
3ashan maknsh 7ob men el bedaya
السلام عليكم
تاني مدونه النهارده الاقي فيها الف ليه
ليه الاهل بحملوا الشباب فوق طاقتهم وربنا الولاد الله يكون في عونهم شغل ومش لاقين يعني مفيش طاقه اصلا علشان نحملهم فوقهم
اما البحر والطحينه يابني بيبان من الاول دا حد هيبقي معاك علي طول مهما حصل ولا انت مجرد مرحله في حياته وهتعدي
وبعدين الدنيا مش سوده اووي كده اللي بيسودها المشاكل اللي بتقبلنا بس ممكن نتغلب عليها اكيد
اما حكايه الخلاط دي وربنا مت من الضحك عليها يولع الخلاط ياسيدي بس هي عقول وقفت عند سنه 67
انا بقي اعرف واحد جوزها طلقها بعد فتره قصيره جدا من الجواز علشان مش بتحط ميه علي السفره وهو بياكل
والله حصلت مفكرش مثلا انه يقولها ابقي حطي ميه علي السفره انا بجد كنت عايزه اولع فيه علشان يطفوه بميه
وفعلا شئ جميل انك تحب وتتحب
بس يكون في اساس للحب دا يعني نحسبها بقلبنا وعقلنا
ونتوكل علي الله
وربنا يجعلها اخر الاحزان
حقى اهرتل
مرسى على زياره مدونتى جدا
وبعدين البنات مفروض يشوفولهم صنعه غير التقل ده ولا ايه
هههههه
Ahmad3tkh
بجد والله الواحد مش بيقدر يعرف او يحدد اذا كان الحب ده حب من الاول ولا لا
بوسى
وعليكم السلام ورحمة الله وبركاته
الواحد طول ما هو عايش فى الدنيا دى لازم يقول ليه والف ليه على حاجات كتير هو مش فاهمها مش عارفها مش فاهم بتحصله ليه؟
وكل اللى انا اتمناه ان الناس تحب بعضها بجد
وكل واحد يحدد هدفه كويس ويعرف هو بيحب مين وعايز مين وهيقدر يكمل معاه ويضحى بحاجات كتير فى سبيل ان هو يحافظ على علاقتهم ببعض ولا لا
ولو لقى نفسه مش هيقدر هيبقى الافضل ينسحب من البدايه
ويسحب معاه جرح صغير ممكن تداويه الايام
احسا ما يسحب معاه جرح كبير اوى ما فيش حاجه فى الدنيا ممكن تداويه
شكرا ليكم كلكم على زيارة مدونتى لاول مره وان شاء الله مش اخر مره
عندك حق المشكلة مش فى الخلاط المشكلة فى الدماغ اللى عاوزة تضرب فى الخلاط
السلام عليكم ارجو مساعدتكم هذه فكرة ممكن تكون تحوير لفكرة ياسمين مش مهم مين صاحب الفكرة المهم نكسر القيود و صوتنا يهز الغول
الفكرة مطروحة على مدونتى فارجو المشاركة او ابداء الراي
http://eg-migrator.blogspot.com/
السلام عليكم
احب الاول اشكرك على مرورك لمدونتي وده زدني شرف بجد ويارب فعلا مش تكون اخر مره
اما بالنسبة للموضوع فهو بئه حاجة تخنق بجد مش عارفة بئه العيب عند مين عند الاهل ولا الولد ولا البنت تحس ان الحب والاخلاص والاحساس مات خلاص ممكن البنت تضحي اوي والولد يطلع ملهوش لازمه في اي حاجة وممكن العكس وممكن الاتنين يضحوا عشان حبهم يكبر ويوصل لبر الامان وفجأة وبدون سابق انذار تلاقي الاهل خربوا الدنيا عشان حاجات تافه والنبي تخليني ساكته لحسن انا على اخري من الموضوع ده
المهم انك شخص لذيذ اوي وكلامك حلو موت ومدونتك جامدة وهستناك تزورني في مدونتي دايماً
تحياتي ليك
اكتر حاجه شاغله الشباب هوه اللى انت بتتكلم فيه دلوقتى
فعلا عندك الف حق
بس لو هانقول ليه والف ليه مش هنلاقي الجواب لان ده بيرجع للضمير في الاول وفي الاخر
يعنى ده للناس اللى عايزه تعيش في حب مش مع زكيبه فلوس
بجد موضوع رائع جدا وبيحصل كل يوم
وحمدلله على السلامه يااخى انت كنت فين من شهر فبراير؟
علشان ده مش حب اساسا
لو حب و ناس عاقلة
كل ده هيعدى
انما الخلاط كان براون ولا مينولكس
؟؟ يا ترى
مممممممممممممم
دوست انت على الجرح اوى
ههههههههههه ، كويس انهم ماتكلموش فى المضرب ، فعلا هيه المشكلة إن مافيش حد بقى بيتنازل ، الاب بيعلم بنته وعايز يجوزها احسن جوازها على اد ماصرف عليها وزيادة والولد ياعينى مش ملاحق على المصاريف بتاعت الشقة والاثاث والاوض ومافيش حد حاسس بحد , فبالتالى الولد اللى مش معاه وعارف انه مش هيتجوز اصلا بيحاول يوقع البنات فيه ولما البنت تحبه فعلا بينفضلها ويقولها احنا كنا اخوات , لأ والظاهرة الجديدة دلوقتى إن الواحد بقى بيحب واحدة علشان ينسى بيها الأولى اللى غدرت بيه وسابته ,, كله معقد فى بعضه وف الاخر مافيش حد واصل للى عايزه
للأسف الناس دلوقتي مش بيتجوزوا عشان بيحبوا بعض
لكن عشان جه وقت الجواز ولازم يتجوزا
ودي بنت كويسه وسألت عليها, وده شب كويس بدل ماأعنس
وبعد كده كل واحد يقول بحبك للتاني عشان مش يزعله, لكن مش عشان بيحيه بجد
وعشان كده ده بيبان في مواقف هايفه زي موقف الخلاط كده
وللأسف الشباب مش بيسيبوا غير البنات اللي حبوهم بجد
وبعد كده يرجعو يندمو عليهم بقيت عمرهم
هي فعلا حاجه منتشره الكام يوم دوول
بينها حاجه ماشيه في الجو ):
اول مرة اجى هنا ... بس بجد بلوج جامد جداااااااااااااااااا ... واسلوبك رائع وفعلا كلامك صح اوى
لو فى حب فعلا صح وحقيقى من الطرفين .. لو جبل هيقع
هبقى ازرو هنا كتير
المهاجر
مرسى اوى على زيارتك مدونتى بجد
وعندك حق المشكله فى الدماغ اللى عايزه تنضرب فى الخلاط
بحاول اكون
مرسى اوى على كلامك الحلو ده
بس انا عندى امل ان شاء الله الناس تتغير
الكلام نوعان
كنت مكتئب والله من اللى بشوفه ده
شيماء
الخلاك كان خفه
هههههههههه
الورده السوده
حمدالله على السلامه
احب اشوفك عندى فى المدونه كتير
بتنورى المدونه والله
زى الهوا
انا رأيى يجوزوا وكل واحد يعيش فى بيت اهله لحد ما ربنا يفرجها
ههههه
اسراء
على فكره كلامك جامد موت
ريرى
ربنا يخليكى على الكلام الحلو ده
وحلوه اوى منك حب صح وحقيقى دى
ان شاء الله تيجى على طول
شكرا ليكم كلكم
روكى
يا نهارك مدندش يا طارق
خفة
بتتريقا عليا يا وله
طيب لما اجيلكم البيت والله لافرقعلك البلوء
فعلا كلامك صح اوى
هم ليه اساسا يوصلوا الموضوع للجواز طالما هم مبيحبوش بعض
لو كان موضوع الخلاط عدوه كان ممكن تانى يوم جواز يتخانقوا على مشط
فى الاخر لو كل واحد حكم ضميره فى مواضيع الارتباط وخصوصا الولاد ..مش هيحصل كل ده
الرد التقليدي للعريس في الظروف دي هو
إيه يا بني اللي خلاط تعمل كده اخخخخخخخخخخخخخخ
Post a Comment