Tuesday, August 14, 2007

البلياتشو

البلياتشو
فيلم للفنان البرنس الجامد جدا جدا بجد هيثم أحمد زكى هيثم بجد فنان كويس جدا , وأحساسه عالى اوى ودى اكتر حاجه عجبانى فيه , واحد بعرف يمثل بجد , ويتقمص الدور المطلوب منه كويس بجد عاجبنى اوى دوره فى فيلم حليم , وعاجبنى اكتر فى فيلم البلياتشو ده طبعا بعيد عن الفيلم نفسه بعد ما ادينا لهيثم حقه , أخد انا بقى حقى من الفيلم ده الناس اللى عملت الفيلم ده بتهرج بجد انا دخلته سينما من اسبوع كده كان لسه نازل تقريبا , الفيلم كان ماشى فى بدايته حلو اوى , وقصه وأكشن وبتاع وحوارات جامده قوى وفجأه بدأ التهريج والاستهبال , هيثم قتل 3 فى الفيلم وقتلهم على سبيل الخطأ والبوليس كان بيدور عليه , وفجاه دخل القسم لوحده , وفجأه الشاويش اللى المفروض هيسلمه سابه ودخل الحمام , فهيثم هرب لما خرج من عند الظابط ولقى الشاويش فى الحمام ههههههه عالم بتهرج صح ؟ المهم هرب هيثم وراح قتل واحد كمان فى مكتبه , بعد كده خد الراجل ونط من الشباك من عماره من الدور التاسع ونزل على الارض وعاش وبعد كده المشهد اللى بعده والله يا جماعه لقيت هيثم فى بيته وقاعد بياكل فول مع باباه والبنت اللى هو حبها فى الفيلم بس والفيلم خلص كده ازاى بقى ما ماتش بعد النطه دى ازاى الحكومه ما قبضتش عليه على الرغم ان هو كان مغمى عليه فى الارض وكان قاتل واحد ولا فاهم اى حاجه تحيا مصر وتحيا السينما المصريه

16 comments:

وينكى said...

عادى بقى
هى دى السينما المصريه
لكن انا دلوقتى حالا عاوزه اجابه واضحه ومحدده وصريحه
انت ماجيتش مسرحيتى ليه؟؟؟
انا بجد زعلانه جدا ومستنيه تفسير

fawest said...

حاجه تحيا مصر وتحيا السينما المصريه
حاجه تحيا مصر وتحيا السينما المصريه
حاجه تحيا مصر وتحيا السينما المصريه
حاجه تحيا مصر وتحيا السينما المصريه
حاجه تحيا مصر وتحيا السينما المصريه
حاجه تحيا مصر وتحيا السينما المصريه


رحمة اللة عليك يا احمد زكى

rokaaa said...

وينكى
صديقتى العزيزه بجد واله العظيم انا محرج منك جدا بس بجد والله حصل ظروف قهريه ما قدرتش أجى بسببها وكانت حالتى النفسيه زى الزفت وربنا يعلم علشان كده ولا قدرت اجى ولا حتى قدرت اكلمك اعتزر
بجد اسف ويا ريت تسامحينى وتقبلى اسفى

fawest
مرسى اوى على زيارتك مدونتى ويا ريت ما تكونش اخر مره ان شاء الله

وينكى said...

ابدا
مستحيل
never
لا ممكن
مهما حصل
هاتلى شيكولاته وانا مازعلش منك
:P

rokaaa said...

بس كده ده انا اجيبلك محل شيكولاته كامل بس تصالحينى

esraa said...

كل سنة وانت طيب

ورمضان كريييم (:

علي الالفي said...

يا اخوااننا
انا عندى حفلة
اه و الله حفلة
لا و مش اي حفلة
انا هاغنى مع ايامنا الحلوة
المرة دى كعضو في الفرقة
عارفين هاغني ايه
انا هاغنى تلات سلامات
و هانغنى الليلة الكبيرة
و اغاني تانية
يا جماعة
انا مستنيكم كلكم تيجوا تنورونا في مسرح البالون بالعجوزة ان شاء الله يوم الجمعة الجاية الساعة 8و نص مساءا

riri said...

ههههههههههههه .... بتنجان والله ... تحس ان البسينما المصرية والله بتحتقر عقل المشاهد ولازمن يقعدوا يشرحوا طول الفيلم اللغز ويعيدوا ويزيدوا ... لازم نحلف ان احنا فهمنا .. طول بقى شوف كده فيلام اجنبى ... ياااااااااااه قمة الروعة والابداع

hamasat said...

روكا

تقبل الله اعمالكم ورفع قدركم وغفر لكم دنوبكم وبدلها حسنات وكل عام وانتم بخير وعيدكم مبارك

وينكى said...

ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

tota_fm said...

عندك حق والله السينما المصريه هيصه اى حاجه بتحصل مع اى حاجه مالهش معنى بقت فيلم بس ف نفس الوقت منقدرش ننكر ان في شويه افلام جامده بس بجد اللى روعه السينما الاجنبيه تحس ان انت مصدق كل حاجه ومفيش حاجه في الفيلم مش منطقيه
الله يرحم العظماء

tota_fm said...

كل سنه وانت طيب

وينكى said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

Marwa said...

اولا أحيك علي رأيك في الفيلم
وعايزه أقولك كل دي مجامله للفنان أحمد زكي
أهو بيجامله بعض علي أفانه
وتاني أحييك علي أسلوبك اللذيذ

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

rokaaa said...

هوووووووووووو ده